ఓం నమో భగవతే వాసుదేవాయ
ఓం శ్రీ గురుభ్యోనమః`
ప్రథమాధ్యాయము.
అర్జున విషాదయోగః
8
భవాన్ భీష్మశ్చ కర్ణశ్చ కృపశ్చ సమితింజయః |
అశ్వత్థామా వికర్ణశ్చ సౌమదత్తిస్తథైవ చ ||
భవాన్ -మీరు; భీష్మ -భీష్మ పితామహుడు ; చ-కూడా; కర్ణ: - కర్ణుడు; చ-మరియు; కృపః - కృపుడు, అశ్వత్థామ -అశ్వత్థామ, వికర్ణ: - వికర్ణుడు, చ-కూడా; సౌమదత్తి - సోమదత్తుని కుమారుడు; తథా - అలాగే ; ఏవ-నిశ్చయంగా ; చ-కూడా.
భావం: యుద్ధంలో ఎప్పుడూ విజయం సాధించే మీరు, భీష్ముడు, కర్ణుడు, కృపుడు, అశ్వత్థామ, వికర్ణుడు మరియు సోమదత్తుని పుత్రుడైన భూరిశ్రవుడు లాంటి వారు మన సైన్యంలో ఉన్నారు.
భాష్యం: యుద్ధరంగంలో నిత్యం విజయశీలురైన ప్రముఖ వీరులను దుర్యోధనుడు పేర్కొంటున్నాడు . వికర్ణుడు దుర్యోధనుని సోదరుడు. అశ్వత్థామ ద్రోణాచార్యులవారి పుత్రుడు. సోమదత్తుడు (భూరిశ్రవుడు) బాహ్లికరాజు పుత్రుడు. పాండు రాజుతో వివాహానికి పూర్వం కుంతీ దేవికి సూర్య భగవానుని వరప్రసాదంగా కర్ణుడు జన్మించాడు. కాబట్టి అతను అర్జునునికి సోదరుడు. కృపాచార్యుని కవల సోదరి ద్రోణాచార్యులవారి భార్య.
No comments:
Post a Comment