సత్యమే పలకాలని నిశ్చయించుకొనే తరుణం అందరి జీవితాల్లోనూ తరచూ వస్తూ ఉంటుంది. అయితే సత్యం మాత్రం నోటినుంచి బహిర్గతం కాదు. ఏదో భయం మనిషిని ఆవహిస్తుంది.
ఏదైనా సంఘటన లేక అనుభవం గురించి మాట్లాడడం లేదా మరి స్వయంగా చేసిన తప్పిదాన్ని గురించి ఇతరులకు చెప్పుకోవడం... అయితే సత్యమంటే ఇదేనా? కాదు. ఇదంతా కేవలం తథ్యం. అంటే కేవలం జరిగిందంతా జరిగినట్లు చెప్పేయడం సామాన్యమైన విషయమే.
కానీ అప్పుడప్పుడు ఆ సత్యాన్ని చెబుతున్నప్పుడు కూడా భయం వేస్తుంటుంది. సాధారణంగా ఎదుటివారి భావాల గురించి ఆలోచిస్తుంటుంది మన మనస్సు. ఇతరులకు దుఃఖం కలుగుతుందని భయం కూడా అడ్డు తగులుతుంటుంది.
అయితే ఈ సత్యమనేది ఏంటి? ఎప్పుడైనా దీనిగురించి ఆలోచించారా? మనస్సులో భయం నిండినప్పటికీ ఎవరైనా తథ్యంగా మాట్లాడితే అదే నిజంగా సత్యమవుతుంది.
వాస్తవానికి సత్యమంటే ఏమిటంటే భయరాహిత్యానికి ఇంకో పేరు. ఇక భయాన్ని త్యజించేందుకు సమయం అడ్డురాదు. ఎందుకంటే భయ రాహిత్యం ఆత్మకు స్వతః సిద్ధ స్వభావం అంటే జీవితంలోని ప్రతి క్షణమూ సత్యం పలికే క్షణం కాదంటారా?
No comments:
Post a Comment